Іс-шаралар

Филология факультеті,«Ағылшын филологиясы және аударма ісі» кафедрасының магистр оқытушысы Аружан Құрбан бүгінгі таңдағы ең өзекті мәселелердің бірі – «Enhancing interactions through effective communication, critical thinking, and ethical relationships»  тақырыбында семинар өткізді.  

Құрбан Аружан семинар барысында студенттерге қарым-қатынас дағдыларын жетілдіру, сыни ойлауды дамыту және этикалық қарым-қатынасты қалыптастыру бойынша практикалық идеяларды ұсынды. Ол академиялық және кәсіби ортада тиімді қарым-қатынастың маңыздылығын және оның жеке қарым-қатынасқа қалай оң әсер ететінін атап өтті.

Сонымен қатар, ақпарат ғасырында сыни тұрғыдан ойлаудың қажеттілігі туралы айтып, студенттерді ақпарат көздеріне сұрақ қоюға және өздерінің негізделген пікірлерін дамытуға шақыра отырып, этикалық қарым-қатынастарды түсінуі, әсіресе, бүгінгі бір-бірімен байланысты әлемде сенім мен құрметтің маңыздылығын айтты. Студенттердің белсенді тыңдау, өз ойларын анық әрі сенімді жеткізу сияқты нақты қарым-қатынас элементтерін талқылады. Қатысушылар тиімді қарым-қатынас пен сыни тұрғыдан ойлаудың құндылығын тереңірек түсініп, сонымен қатар этикалық қарым-қатынастарды құруға жаңа міндеттеме алды.

Жиын соңында қатысушылар өздерін қызықтырған сауалдарына тың жауаптар алды. Сондай-ақ, айтулы семинарды өткізген магистр оқытушысы Аружан Құрбанға алғыстарын білдірді.