Жаңалықтар

Бүгін оқу ордамызда дәстүрлі факультетаралық Студенттер лигасының ашылу салтанаты өтті. 

Спорттық шараның негізгі мақсаты - салауатты өмір салтын насихаттау, жастардың спортқа деген қызығушылығын арттыру және белсенді өмірлік ұстанымды қалыптастыру.

Сонымен қатар, жарыс қорытындысы бойынша университеттің құрама командасы жасақталады.

Студенттер лигасы аясында қатысушылар кіші футбол (футзал) және үстел теннисі бойынша сынға түседі.

Сайыста «Түркістан Ахмет Ясауи кәсіби» колледжі, Медицина факультеті, Кентау институты (Дайындық орталығы, Инженерия факультеті), Стоматология факультеті, Жаратылыстану ғылымдары факультеті, Заң факультеті, Филология факультеті, Өнер, медиа және дизайн факультеті, Экономика және басқару факультеті, Спорт факультеті, Теология факультеті, Дене тәрбиесі және бастапқы әскери дайындық кафедрасы және Білім беру және гуманитарлық зерттеулер факультеттерінің командалары бақ сынасады.

Айта кетейік, жарыс бүгін кіші футболдан (футзал) бастау алды. Қызу тартыс 25 ақпанға дейін жалғасады.