Жаңалықтар

Бүгін университетіміздің қабырғасында ҚР Ғылым және жоғары білім министрлігінің ұйымдастыруымен өтіп жатқан ЖОО арасындағы «Студенттік спорт лигасы» оңтүстік аймақтық ойындарының кезекті жарыстары басталды.

Аймақтық лиганың соңғы жарысы – футзал шеберлерінің арасында өткізіліп жатыр. Қыздар және ұлдар арасындағы спорт бәсекесіне жалпы саны 200-ге жуық студент қатысып жатыр. Олар өзара республикалық Студенттік спорт лигасына жолдаманы сарапқа салады.

Сайыста оңтүстік аймақтан 8 университеттің командалары бақ сынауда, атап айтар болсақ: 

1. Қожа Ахмет Ясауи атындағы Халықаралық қазақ-түрік университеті

2. Қорқыт-Ата атындағы Қызылорда университеті

3. М.Х.Дулати атындағы Тараз өңірлік университеті

4. Халықаралық туризм және меймандостық университеті

5. М.Әуезов атындағы Оңтүстік Қазақстан университеті

6. Академик А.Куатбеков атындағы халықтар достығы университеті

7. Болашақ қызылорда университеті

8. Жұмабек Ахметұлы Тәшенов атындағы университеті 

Еске салайық, бұған дейін оқу орнымызда өтіп жатқан Студенттік спорт лигасында волейбол, тоғызқұмалақ, шахмат, баскетбол, үстел теннисі және қазақ күресі спорт түрлерінің жеңімпаздары анықталды.

Жарысқа қатысып жатқан университетіміздің студенттеріне сәттілік тілейміз!