Хабарландырулар

  • image image image image
    • shape
    shape

    Жаңалықтар

    Blog Image
    Ахмет Ясауи университеті 21.08.2024

    ДЕНСАУЛЫҚ САҚТАУ ВИЦЕ-МИНИСТРІ ОҚУ ОРДАМЫЗДА

    Қазақстан Республикасының денсаулық сақтау вице-министрі Тимур Сұлтанғазиев Түркістан қаласына жұмыс сапары барысында оқу орнымызға арнайы ат басын бұрды.
     
    Денсаулық сақтау вице министрі Тимур Сұлтанғазиев және Түркістан облысының денсаулық сақтау басқарма басшысы Асхан Байдувалиев бастаған денсаулық сақтау саласының жетекші мамандарынан құралған делегация Клиника-диагностикалық орталығының және Медицина факультетінің жұмысымен танысты.
     
    Қонақтарды оқу орнымыздың ректоры Жанар Темірбекова, вице-ректор Айнаш Ошибаева бастаған клиника және факультет ұжымы қарсы алды.
     
    Делегация, ең алдымен, Клиника-диагностикалық орталығын аралап, емделушілерге жасалған жағдай және де соңғы үлгідегі заманауи құрал жабдықтарды көрді.
     
    Университет ректоры Жанар Темірбекова мен Клиника-диагностикалық орталықтың бас дәрігері Мехмет Зия Генчер орталықтың алдағы жоспарларымен таныстырып, онда қызметкерлердің тәжірибе алмасу мақсатында еліміздегі және Түркиядағы медицина мекемелерімен тығыз қарым-қатынаста екенін тілге тиек етті. Сондай-ақ, университет клиникасы – медицина бағыты бойынша білім алатын студенттердің практикалық базасы екенін атап өтті.
     
    Бұдан әрі денсаулық сақтау вице министрі Медицина факультетінде орналасқан «Микробиология» лабораториясына барды. Бұл лабораторияда микроорганизмді зерттеуге және оны оқу процессінде пайдалануға қажетті барлық құралдар бар.
     
    Жұмыс сапары соңында Тимур Сұлтанғазиев университеттіміздің денсаулық сақтау саласын дамыту үшін істеп жатқан жұмысына оң бағасын берді. Жеке клиникасы бар оқу орнының жоғары деңгейде қызмет жасап, маман даярлауда үлкен үлес қосып жатқанын айтып, ұжымға сәттілік тіледі.