Жаңалықтар

Оқу орнымыздың спортшы студенттері тағы да жетістіктерімен қуантты. Жасөспірім мен жастар арасында самбодан әлем біріншілігінде шәкірттеріміз ел намысын қорғап, жеңімпаз атанды. 

Байрақты бәсеке Кипрдің Ларнак қаласында өтті. Оқу орнымыздың студенті Еркебұлан Ахатов 58 келі салмақта жарыс жолына шығып, қарсылас шақ келтірмеді. Осылайша, Әлем біріншілігінің алтын жүлдесін қанжығасына байлады. Сондай-ақ, бұрымды спортшымыз Қыдырәлі Ақбота 72 кг салмақ дәрежесінде жүлделі екінші орынға ие болды.

Ал Ақтау қаласында Халық-Арена спорт кешенінде өткен дзюдодан ашық Азия кубогы жарысында студентіміз Арапов Айдар 90 келі салмақта жеңімпаз атанып, тұғырдың биігінен көрінді.

Студенттерімізді жарқын жеңісімен құттықтай отырып, алдағы жарыстарына сәттілік тілейміз!