Жаңалықтар

Студенттеріміз Қожа Ахмет Ясауи хикметтерін жатқа айту сайысында жүлделі орындарды өзара бөлісіп алды.

Таяуда Түркістан қаласы әкімдігінің ұйымдастыруымен «Диуани хикмет» атты Қожа Ахмет Ясауи хикметтерін жатқа айту аймақтық байқауы өтті. Сайысқа Теология факультеттінің 4 студенті қатысты.

Байқаудың қорытынды нәтижесі бойынша Хавасханова Салихабану – бас жүлде, Тәуекел Алтын – І орын, Мәулен Мухсина – ІІ орын, Мәулен Хасан – ІІІ орын иеленді.

Бас жүлде иегері – Хавасханова Салихабану Хавасханқызы 300 мың теңге ақшалай сыйлықпен марапатталды. Сондай-ақ жеңімпаздан басқа жүлдегерлер де ұйымдастырушылар тарапынан ақшалай сыйлықтарға ие болды.

Осылайша, университетімізден байқауға қатысқан төрт студентіміз де жүлделі орын алып, білім ордамыздың мәртебесін асқақтатты. Жеңімпаз студенттердің жетекшісі – PhD, аға оқытушы Бауыржан Сайфунов.

Жеңімпаз бен жүлдегерлерді жеңістерімен құттықтаймыз, әрдайым биіктерден көріне беріңіздер!