Жаңалықтар

Бүгін оқу ордамызда Тұрақты даму ғылыми-зерттеу орталығының ұйымдастыруымен Ғылыми-зерттеу институттары арасында Тұрақты даму мақсаттары бойынша ғылыми семинар өтті. 

Семинар – Тұрақты даму мақсаттарының: «Индустрияландыру, инновациялар, инфрақұрылым», «Жауапты тұтыну және өндіріс», «Құрлық экожүйелерін сақтау», «Тұрақты даму үшін серіктестік» тақырыптары аясында жүргізілді.

Басты мақсат – қатысушыларға Тұрақты даму мақсаттары мен бағыттарын түсіндіру.  Институт  қызметкерлерінің ғылыми жұмыстарын және ғылыми еңбектерін «Тұрақты даму мақсаттарына» байланыстыра отырып жазу, кілт сөздерді қолдануды көрсету.

Жиында ең алдымен, Тұрақты даму мақсаттырын енгізу мен оған қол жеткізу кезеңдері БҰҰ өкілдері мен Қазақстан Республикасы үкіметі тарапының үнемі бақылауында болатыны жөнінде  айтылды. Сондай-ақ, Тұрақты даму мақсаттарының 2030 жылға дейін таңдалған 17 негізгі бағыты жеке-жеке талқыланды. 

Іс-шара қатысушыларына әр тақырыптың өзектілігі мен маңызы жайлы ақпараттар берілді. Қызметкерлер ғылыми жұмыстар мен ғылыми еңбек жазу барысында Тұрақты даму мақсаттарының жоғарыда аталған бағыттарымен жұмыс істеуді үйренді. 

Жиын соңында қатысушылар өзара пікір алмасып, сұрақтарына жауаптар алды.