Жаңалықтар

Бүгін Мемлекет басшысының Жарлығымен Нұралхан Оралбайұлы Көшеров Түркістан облысының әкімі лауазымына тағайындалды.

Университет ұжымы атынан Нұралхан Оралбайұлын жаңа қызметімен құттықтай отырып, жауапты лауазымда толағай табыс, жаңа бастамаларыңызға сәттілік пен зор жетістіктер тілейміз!

Түркістан облысы әкімінің орынбасары қызметін атқарған кезде аймақтың әлеуетін арттыруға, сонымен қатар Дархан Сатыбалдымен бірге былтырғы көрсеткіштер бойынша облысымыздың республикалық рейтингте екінші орын алуына елеулі үлес қосқаныңызды ерекше атап өту қажет. Бұл еңбегіңізді университет ұжымы жоғары бағалайды және Сіздің басшылығыңызбен облысымыздың даму деңгейі жоғарылап, жаңа мүмкіндіктер ашылады деген сеніміміз мол.

Қожа Ахмет Ясауи атындағы Халықаралық қазақ-түрік университеті облысымыздың білім, ғылым және мәдениет саласында үлкен рөл атқарады. Сіздің университетке көрсеткен тұрақты қолдауыңызды бағалаймыз және бұл көмегіңіз өңірдің болашақ дамуы үшін аса маңызды. Алдағы уақытта да бірге жұмыс істеп, оқу орнымыз бен өңіріміздің дамуына үлес қосуға дайынбыз.

Құрметті Нұралхан Оралбайұлы, деніңізге саулық, ұзақ ғұмыр, отбасыңызға бақыт пен береке, жұмысыңызға табыс пен жетістік тілейміз! Игі істеріңіз қашанда оңға басып, абыройыңыз арта берсін!

Қожа Ахмет Ясауи атындағы Халықаралық қазақ-түрік университетінің ұжымы