Жаңалықтар

Ясауи университеті жаһандық  QS World University Rankings By Subject 2025 рейтингінде тағы да жоғары нәтиже көрсетті.

Биылғы рейтингті құрастыру  барысында 5200-ден астам мекеменің беделі мен зерттеу нәтижелері сарапталды. Нәтижесінде 1747 университет түрлі салалар бойынша айтулы рейтингке енді. Олардың қатарында біздің университетіміз де бар.

Пәндік рейтингте оқу ордамыз: «Өнер және гуманитарлық ғылымдар» салалық рейтингінде  501-550 аралығындағы позицияда;

«Заманауи  тілдер» бойынша – 151-200 аралығындағы позицияда;

«Білім және оқыту» брйынша – 351-400 аралығындағы позицияда көрінді; 

Айта кетейік, оқу ордамыз әлемдік рейтингте екі пән бойынша өз орнын сақтап қалды. Бұл университет бағдарламаларының тұрақтылығын және олардың өзектілігін көрсетеді. 

Жаһандық білім кеңістігіндегі позициямызды нығайту үшін академиялық беделімізді арттыру және жұмыс берушілермен өзара әрекеттесу бойынша жұмысты жалғастыру маңызды.

Жалпы алғанда, университет қазіргі заманғы тілдер мен білім беру саласындағы аймақтағы жетекші университеттердің бірі болып қала отырып, тұрақты нәтижелерді көрсетуді жалғастыруда.

QS World University Rankings By Subject 2025 рейтингінде жоғары нәтиже көрсеткен университетіміздің жетістігі баршаңызға құтты болсын!