Жаңалықтар

Бүгін оқу орда атынан аз қамтылған отбасыларға азық-түлік таратылды. Университетіміз Түркістан облыстық Ақсақалдар алқасының «Әр отбасыға жақсылық тілейміз» атты игі бастамасына үлес қосты. 

Аз қамтылған отбасыларға арналған азық-түліктер Түркістан облыстық ардагерлер кеңісінің жанында орналасқан Әлеуметтік дүкенде үлестірілді. 

Жиында Облыстық Ақсақалдар алқасының төрағасы Жарылқасын Әзіретбергенов игі іске атсалысып, қайырымдылық жасаған оқу орда басшылығы мен ұжымына ризашылығын жеткізді. 

Келесі кезекте, Әлеуметтік-мәдени даму вице-ректоры Еділ Төлегенов айтулы іс-шараның маңызына тоқталды. «Әр отбасыға жақсылық тілейміз» деген оң бастаманың қоғамға берер тәрбиелік мәні жайлы да тілге тиек етті.

Айта кетейік, қайырымдылық шара барысында 30-дан астам аз қамтылған отбасыға азық-түлік таратылды.