Жаңалықтар

Еліміздің жоғары оқу орындары арасында өтіп жатқан XIII Жазғы Универсиадада университетіміздің таеквандо құрамасы жоғары жетістікке жетті. 

Ерлер құрамасы жекелей сында 5 алтын медаль жеңіп алып, командалық есепте тағы 1 алтын иеленді.

Сондай-ақ, ерлер арасында 4 күміс пен 4 қола жүлде де университет қоржынын толықтырды. Оның ішінде, пумсе бағдарламасында да спортшыларымыз жақсы нәтиже көрсетіп, алтын, күміс және қола жүлделерге ие болды.

Қыздар құрамасы да жүлдесіз қалмай, жекелей сында 2 алтын, 1 күміс және 2 қола медаль еншіледі.

Осылайша, университетіміздің таеквандошылары 8 алтын, 5 күміс, 6 қола медаль иеленіп, оқу ордамыздың спорт саласындағы әлеуетін тағы бір мәрте дәлелдеді.

Команданың бұл жетістігінде халықаралық дәрежедегі спорт шебері, аға бапкер Құралбаев Ринаттың еңбегі орасан. Жоғары деңгейдегі дайындық және спортшылармен жүргізілген жүйелі жұмыстың нәтижесінде университетіміздің таеквандо құрамасы айтарлықтай табысқа қол жеткізді.

Таеквандошы шәкірттерімізді және олардың бапкерін айтулы жеңісімен құттықтай отырып, алдағы жарыстарға табыс тілейміз!