Жаңалықтар

Университетіміздің Медицина факультетінде Ресей Федерациясының танымал профессоры Андрей Гржибовский маңызды семинарлар өткізді.

 Айта кетейік, Андрей Гржибовский – Ресейдің Архангельск қаласынан келген беделді ғалым, ғылым және инновациялық жұмыс жөніндегі басқарма жетекшісі, PhD, профессор. Ол халықаралық деңгейдегі беделді ғалым. Әсіресе, эпидемиология және биостатистика салалары бойынша кеңінен танымал.

Профессордың көпжылдық ғылыми-педагогикалық тәжірибесі мен әдістемелік шеберлігі факультетіміздің магистранттар мен докторанттарының және оқытушы-профессорлар құрамының ғылыми деңгейін арттыруға, практикалық дағдыларын жетілдіруге үлкен мүмкіндік берді.

Андрей Гржибовский  семинар аясында эпидемиология, биостатистика салаларындағы  ғылыми зерттеу әдістері бойынша мол тәжірибесімен бөлісіп, маңызды ғылыми бағыттарға терең шолу жасады.

Семинарларға қатысқан оқытушылар, докторанттар мен жас зерттеушілер өзекті сұрақтарына кәсіби жауап алып, ғылымға деген қызығушылықтарын одан әрі арттырды.

Жиын соңында: «Осындай маңызды семинарлар — факультетіміздің ғылыми әлеуетін арттыруға және университетіміздің халықаралық серіктестігін нығайтуға, білім мен зерттеу сапасын көтеруіне ықпал ететін алаң»,-деді қатысушылар. Сондай-ақ, өз тәжірибесімен бөліскен профессор Андрей Гржибовскийге алғыстарын білдірді.