Жаңалықтар

Университетімізде 17–19 маусым аралығында факультет декандары мен ғылыми-зерттеу институттарының директорлары факультеттер мен ҒЗИ стратегияларын іске асыру бойынша 2025 жылдың бірінші жартыжылдығына арналған есептерін ұсынуда.

Есеп беру сессиясының негізгі мақсаты – университеттің Даму бағдарламасына сәйкестендірілген құрылымдық бөлімшелердің стратегиялық жоспарларын іске асыру барысын бағалау. 

Басшылар жоспарланған бастамалардың орындалуы, негізгі көрсеткіштерге қол жеткізу және басқарушылық шешімді қажет ететін өзекті мәселелер туралы баяндауда.

Есептердің негізгі мазмұны: академиялық және ғылыми тиімділік; адами ресурстарды дамыту; халықаралық ынтымақтастықты кеңейту; үшінші миссия мен цифрлық трансформация бастамаларын іске асыру; білім алушылар мен сыртқы стейкхолдерлерді тарту.

Есеп беру №201 аудиторияда ректорлық кеңес, Стратегиялық даму және сапа орталығы, сондай-ақ бейінді департаменттер өкілдерінің қатысуымен өтіп жатыр. Есептердің нәтижелері алдағы алты айға арналған жоспарларды нақтылау және сыртқы аналитикалық сессияларға дайындық үшін пайдаланылатын болады.