Жаңалықтар

Университетіміздің Өкілетті Кеңес мүшесі Бейсен Дәулетұлы Тәжібаев жаңа қызметке ауысып, ҚР Президенті әкімшілігінің мемлекеттік инспекторы лауазымына тағайындалды.

Бейсен Дәулетұлы Түркістан облысы алғаш құрылған кезден бері өңірдің дамуы үшін аянбай еңбек етіп келді. 2022 жылдан бастап Түркістан облысы әкімінің орынбасары қызметін атқара отырып, қоғамдық-әлеуметтік салаларға жетекшілік етті. Білім, денсаулық сақтау, жұмыспен қамту, мәдениет, туризм, спорт, дін, жастар саясаты және қоғамдық даму салаларының мәселелерін шешуге, жаңа бастамаларды іске асыруға мұрындық болды.

Түркістан облысы әкімінің орынбасары ретінде Бейсен Дәулетұлы университетіміздегі әрбір шара және жобаларға үнемі қолдау көрсетті. Оқу орнымыздың Өкілетті Кеңесіне мүше болып, университетіміздің алдыңғы қатарлы жоғары оқу орындарының сапына қосылуы үшін ықпал етті. Маңызды шешімдерді қабылдап, өзекті мәселелрді шешуге көмектесті. Жас ұрпақтың сапалы білім алып, жан-жақты дамуына әрдайым қолдау көрсетті. 

Бейсен Дәулетұлын жаңа қызметке тағайындалуымен құттықтай отырып, университет ұжымы атынан толағай табыс мен жетістік тілейміз! Ел игілігі жолындағы еңбегіңіз жемісті болсын!