УНИВЕРСИТЕТІМІЗДЕ РЕСПУБЛИКА КҮНІНЕ ОРАЙ ДОМБЫРАШЫЛАР КҮЙ ШЕРТТІ
Оқу ордамызда Республика күні мерекесіне орай ерекше рухани іс-шара өтті. Бас ғимараттың жасыл алаңында Өнер, медиа және дизайн факультетінің студенттері мен «Ақжайық» музыка мектебінің оқушылары домбыра шертіп, күй тартты. Өнерпаздар «Менің Қазақстаным» атты домбыра челленджіне қатысты.
Жас домбырашылар бір мезетте Құрманғазы Сағырбайұлының «Балбырауын» күйін ойнап, ұлттық өнерді дәріптеді.
Бұл бастама – студенттер мен оқушылардың домбыра мен күй мәнін терең сезінуіне бағытталды.
Күйдің әуезді үні алаңды жаңғыртып, тыңдарманның жүрегіне патриоттық сезім мен мақтаныш ұялатты.
Мүгедектер орталығы
Ректорат, Заң факультеті, Экология және химия кафедрасы конкурс жариялайды
Ақпарттық технология департаменті, Кентау кампусы конкурс жариялайды 