Жаңалықтар

Бүгін университетімізде «Заң мен тәртіп» концепциясы аясында «Бүгінгі тәртіп - ертеңгі жетістік» тақырыбында «BIR TOLQYNDA» диалог алаңы негізінде кездесу өтті.

Іс-шараға Әлеуметтік-мәдени даму вице-ректоры Еділ Төлегенов, «AMANAT» партиясы Түркістан облыстық филиалы Атқарушы хатшысының орынбасары Қалыйма Жантөреева және Түркістан облыстық «ЖАСТАР РУХЫ» ЖҚ төрағасы Еркебұлан Мадиярұлы қатысты.

Кездесудің мақсаты – жастардың құқықтық мәдениетін арттыру, заң талаптарын сақтау мен тәртіптің қоғамдағы рөлін түсіндіру. Жастар арасында құқықтық сауаттылықты арттыру, қоғамдағы тәртіп пен заңның маңызын түсіндіру. 

Жиын барысында «AMANAT» партиясы Түркістан облыстық филиалы Атқарушы хатшысының орынбасары Қалыйма Жантөреева отбасы құндылықтары жайында сөз сөйлеп, жастарға, әсіресе жас студенттерге арналған тағылымды кеңестерімен бөлісті. Ол тәрбие мен заңды сақтау мәселелерін көтеріп, жастардың әрқайсысы өз тәртібін дұрыс қалыптастыруы керек екенін баса айтты.

Сондай-ақ, жиын барысында оқу орнымыздың «Жастар рухы» жастар қанаты ұйымының жаңа төрайымы тағайындалды. Бұл қызметке филология факультетінің 2-курс студенті Гүлім Амантайқызы ие болды. Жас көшбасшыға ұйым атынан арнайы төсбелгіні  «AMANAT» партиясы Түркістан облыстық филиалы Атқарушы хатшысының орынбасары Қалыйма Жантөреева табыстап, алдағы жұмысын жауапкершілікпен атқаруына сенім білдірді.

Кездесу барысында студенттердің қойған сұрақтарына жауап бере отырып, Қалыйма Жантөреева өз балалық шағына саяхат жасап, өмір жолындағы маңызды кезеңдерін бөлісті. Жастар оның айтқан ойларынан терең өмірлік сабақ алып, мотивацияға толы әсер алды.

Бүгінгі кездесу студенттер үшін тағылымы мол, тәрбиелік мәні жоғары шара болды. Жастар қоғамдық тәртіптің маңызын терең түсініп, өмірлік тәжірибемен сабақтасқан құнды кеңестер алды.