Бүгін оқу ордамызда Ғылым айлығы аясында Экономика, басқару және құқық факультетінің ұйымдастыруымен «Болашақ. АҚШ. Джордж Вашингтон университеті» атты семинар өтті.
Семинар спикері Лесбек Тайжанов – Экономика, қаржы және есеп кафедрасының аға оқытушысы, PhD доктор, Болашақ бағдарламасының түлегі.
Ғылыми жиынға студенттер, магистранттар мен докторантар және оқытушы-профессорлар қатысты.
Басты мақсат – АҚШ жоғары білім жүйесі туралы мағлұматтар алу және Болашақ бағдарламасын беретін мүмкіндіктерін (500 ғалым үшін ғылыми тағылымдама) талқылау.
Лесбек Тайжанов семинар барысында АҚШ жоғары білім жүйесі (үш деңгейделі бакалавриат, магистратура және докторантура) туралы мағлұматтар берді.
Болашақ бағдарламасымен ғылыми тағылымдамадан өту жолдарын және тағылымдамадан өту барысында жинаған өз тәжірибелерімен бөлісті. Сондай-ақ, Джордж Вашингтон университетінің ерекшеліктері, әлемдік рейтингі, ғылыми-зерттеу жұмыстары сынды тың ақпараттарды айтты.
Жиын соңында қатысушылар өздерін қызықтырған сауалдары мен пікірлерін ортаға салды.
KZ
TR
EN
RU
