Бүгін университетімізде «Менің денсаулығым-менің құқығым» атты марафон өтті.
Негізгі мақсаты – жастардың арасында салауатты өмір салтын насихаттау.
Аталмыш шара Медицина факультетінің 1 курс студенттерінің, белсенді білімгерлерінің қатысуымен, «Адам морфологиясы және физиологиясы» кафедрасының, сондай-ақ Медицина факультетінің түлектер қауымдастығының ұйымдастыруымен өтті.
Бұл 7 сәуір Жер тұрғындары Дүниежүзілік денсаулық күніне орай ұйымдастырылды. Дүниежүзілік денсаулық күні – адамдардың денсаулығы мен әл-ауқатын қорғау үшін бірлескен іс-шаралар өткізу мақсатында біздің планетамыздың әрбір тұрғынының назарын денсаулық пен денсаулық мәселелеріне аударуға бағытталған жаһандық науқан.
Марафонда дұрыс тамақтану, қан қысым мен глюкоза деңгейін бақылау, артық салмақтың зияндығы, физикалық белсенділіктің маңыздылығы туралы, репродуктивті денсаулық және тағы да басқа тақырыптар жайлы кең көлемде ақпарат берілді.
Студенттер мен ОҚП құрамы өздерін қызықтырған сауалдарын қойып, пайдалы ақпараттар алды.
KZ
TR
EN
RU
