Оқу ордамыздың шетелдік студенттері «Ақмешіт Әулие» үңгіріне тарихи-танымдық және тазалыққа бағытталған рухани-экологиялық экскурсия жасады. Айтулы іс-шараны «Әлеуметтік-мәдени жұмыстарды ұйымдастыру және психологиялық қолдау көрсету» бөлімі ұйымдастырды.
Басты мақсат – шетелдік студенттердің еліміздің тарихы мен мәдени мұрасын тереңірек танып-білуіне мүмкіндік жасау, туған өлкенің киелі жерлерімен таныстыру. Сондай-ақ, табиғатты аялау мен тазалық мәдениетін қалыптастыру, үңгір айналасында тазалық жұмыстарын жүргізу. Әрі табиғат аясында рухани тынығу мен қызықты ойындар ұйымдастыру арқылы студенттердің өзара қарым-қатынасын, бірлігі мен рухын нығайту.
Бәйдібек ауданына табан тіреген жастарымыз Ақмешіт Әулие үңгірін тамашалап, терең тарихымен танысты. Сонымен қатар, үңгір аумағында тазалық жұмыстарын жүргізді. Студенттер «Киелі мекен картасы» викторинасы мен «Eco Photo Challenge» ойындары арқылы әсем табиғатты кадр арқылы жеткізді.
Экскурсия соңында белсенді студенттер «Ең белсенді қатысушы», «Эко-ерекше команда», «Достық елшісі» номинацияларымен марапатталды.
KZ
TR
EN
RU
