Бүгін университетімізде «Заң мен тәртіп» концепциясы аясында интернет алаяқтықтың алдын алу мақсатында ашық диалог форматта іс-шара өтті. Жиынға «Халық банк» өкілдері мен Түркістан облысы полиция департаменті Киберқылмысқа қарсы іс-қимыл басқармасының қызметкерлері қатысты.
Басты мақсат – студенттердің қаржылық сауаттылығын арттыру, банк саласындағы заманауи алаяқтық түрлерінің алдын алу, құқық қорғау органдары мен банк өкілдері арасындағы өзара ынтымақтастықты нығайту. Сондай-ақ, тұрғындарды заң талаптарын сақтауға және жеке деректерін қорғауға шақыру.
Жиын модераторы – Әлеуметтік-мәдени даму вице-ректоры Еділ Төлегенов болды. Ал Қазақстан Халық банкінің Түркістан облысы бойынша филиал директорының орынбасары Самат Бекбашев пен Түркістан облысы полиция департаменті Киберқылмысқа қарсы іс-қимыл басқармасының жедел уәкілі, полиция капитаны Жұбаныш Шүкірбай спикерлер қатарынан көрінді. Олар интернет алаяқтыққа қарсы өздерінің мазмұнды баяндамаларын ұсынды.
Кездесу барысында интернет алаяқтықтың түрлері мен олардың алдын алу жолдары, сондай-ақ алаяқтардың құрбаны болған жағдайда қолданылатын шаралар туралы кеңінен баяндалды.
Шара студенттерге заманауи цифрлық қауіптер туралы маңызды мәлімет беріп, қаржылық қауіпсіздікті сақтаудың маңызын түсіндіруге бағытталды.
KZ
TR
EN
RU
