Оқу орнымыздың Инженерия факультеті, Компьютерлік инженерия кафедрасының студенттері — Абдулахадов Ислам пен Хинизов Милаз Қазақстан Республикасының Банктер қауымдастығы ұйымдастырған студенттік жобалар мен зерттеулер байқауында 1-орынға ие болды.
Олардың «AI for Finance: Қаржылық алаяқтықтың алдын алуға арналған нақты уақыт режиміндегі интеллектуалды жүйе» атты инновациялық жобасы финтех бағытындағы ең үздік жоба деп танылды.
Жоба банктік транзакцияларды нақты уақыт режимінде талдап, күмәнді операцияларды анықтау арқылы қаржылық алаяқтықтың алдын алуға бағытталған. Бұл интеллектуалды жүйе жасанды интеллект алгоритмдері мен деректерді өңдеудің заманауи әдістерін қолдана отырып, банктік қауіпсіздікті күшейтуге мүмкіндік береді.
Аталған байқау еліміздің студенттері мен жас зерттеушілерінің жасанды интеллект, киберқауіпсіздік, финтех және цифрлық технологиялар салаларындағы жобаларын қолдау және дамытуға бағытталған.
Студенттеріміздің бұл жетістігі – білім мен табандылықтың, инновациялық ойлау мен ізденістің нәтижесі. Олар технология мен ғылымды ұштастырып, еліміздің цифрлық трансформациясына өз үлесін қосуда.
Университет ұжымы атынан талантты студенттерімізді құттықтай отырып, жаңа табыстар мен жетістіктер тілейміз!
KZ
TR
EN
RU
