Жаңалықтар

Бүгін университетімізде Заң мен Тәртіп концепсиясы аясында студенттерге түсіндірме жұмыстарын жүргізу мақсатында Түркістан қалалық прокуратурасының қызметкерлері арнайы лекция өтті. 

«Заң мен тәртіп құндылығы» тақырыбы бойынша өткен кездесудің мақсаты –  құқықтық мәдениетті арттыру, азаматтардың құқықтық сауаттылығын дамыту және құқықтық мәселелер бойынша қоғамның белсенділігін көтеру арқылы заңды және әділетті қоғам қалыптастыруға бағытталған білім беру. 

Кездесуге Әлеуметтік-мәдени даму мәселелері вице-ректоры Еділ Төлегенов, Түркістан қалалық прокуратурасының бөлім прокуроры Мүсілім Төлебек және Түркістан қалалық прокуратурасының бөлім басшысы Бексұлтан Бейсембай қатысты.

Шара барысында прокурорлар құқықтық нормалар мен құқық қорғау механизмдері туралы хабардар етіп, заңға сәйкес мінез-құлықтың маңыздылығын түсіндірді. Студенттерге құқықтық тәжірибеге негізделген практикалық тапсырмалар ұсынып, нақты жағдайлар бойынша талдау жүргізудің жолдарын атап өтті.

Жиын соңында студенттер көкейде жүрген сұрақтарын қойып, қоғамдағы өзекті мәселелер бойынша пікір алмасуға мүмкіндік алды. Прокурорлар заңның маңызын түсіндіріп, құқықтық сауаттылықты арттыруға бағытталған нақты ақпарат берді.