ХАЛЫҚАРАЛЫҚ КІТАП СЫЙЛАУ КҮНІ АТАЛЫП ӨТТІ

Университет кітапханасында «14 ақпан – Халықаралық кітап сыйлау күні» мерекесіне орай  іс-шара өтті. Аталған мереке аясында кітап сыйлау акциясы ұйымдастырылды.

Бұл акцияның басты мақсаты — қарапайым және мейірімге толы барша адамзатты кітап оқуға шақыру, студенттердің бойында кітап оқу, сыйлау арқылы оқу мәдениетін қалыптастыру. 

Кітап сыйлау мерекесін кітапхана қызметкерлері ерекше атап өтті. Әр түрлі  шығармалар желісі бойынша құрастырылған сұрақтар арқылы Kahoot  форматында  ойындар ұйымдастырылды. Ойынға оқытушылар мен студенттер қатысты.

Осылайша, университет кітапханасында өткен тағылымды шара кітаптың қадірін ұлықтап қана қоймай, жүректен жүрекке жол тапқан рухани мерекеге айналды. Қатысушылар кітап оқу мен кітап сыйлау дәстүрінің мәнін терең сезініп, игі бастаманың жалғасуына өз үлестерін қосты. Бұл күн – білімге деген құрметті арттырып, рухани байланысты бекемдеген, кітапқа деген сүйіспеншілікті жаңғыртқан ерекше сәт ретінде есте қалды.