Жаңалықтар

Университетіміздің қос ұстазы – Мұхтар Исаев пен Меруерт Сейтова «Жоғары оқу орындарының үздік оқытушысы – 2025» республикалық байқауының марапатына ие болды. 

Алматы қаласында отандық ғылым мен жоғары білімді дамытуға елеулі үлес қосқан бірқатар ғалымдар мен жоғары оқу орындарының оқытушылары марапаттау рәсімі өтті.  Олардың қатарында «Жоғары оқу орындарының үздік оқытушысы – 2025» байқауының жеңімпаздары да болды.

Конкурстың басты мақсаты – оқытушы мамандығының беделін арттыру және олардың кәсіби дамуын ынталандыру.

Айта кетейік, аталған байқауға еліміздің 89 жоғары оқу орнынан 502 үміткер қатысып, нәтижесінде 37 жоғары оқу орнынан 150 оқытушы жеңімпаз атанды. Марапат иелері қатарынан көрінгендер:

Мұхтар Исаев – Теология факультетінің PhD докторы, доцент м.а., Философия кафедрасының меңгерушісі. Ғылыми-зерттеу және білім беру саласындағы белсенді еңбегі арқылы университетіміздің академиялық әлеуетін нығайтып келеді.
Меруерт Сейтова – Филология факультетінің кафедра меңгерушісі, PhD докторы, доцент. Ол – білікті ұстаз, жас зерттеушілердің ғылыми қалыптасуына үлес қосып жүрген тәжірибелі маман.

Әріптестерімізді шын жүректен құттықтай отырып, білім мен ғылым жолындағы жұмыстарына толағай табыс тілейміз!