Жаңалықтар

Оқу ордамызда Сенат мәжілісінің №8 отырысы өтіп, күн тәртібіндегі мәселелер қаралды.

Жиында университет ректоры Жанар Темірбекова және ректор өкілі м.а. Нажи Генч Жаратылыстану ғылымдары факультеті, Биология кафедрасының доценті Мұрат Тәжібайұлын мерейлі 70 жасымен құттықтады. 

Ал ресми бөлімде, ең алдымен, Ахмет Ясауи кәсіби колледжінің даму бағыттары мен білім беру сапасы туралы Колледж директоры Алтынбек Кенжалиев ақпарат берді.

Одан әрі «Академиялық адалдық кодексіне» (АК-ХҚТУ-001-2026) өзгерістер мен толықтырулар енгізу бойынша Академиялық мәселелер жөніндегі вице-ректор Эльмира Идрисова баяндама оқыды. 

Сонымен қатар, Әлеуметтік-мәдени даму вице-ректоры Еділ Төлегеновтың баяндамасында университет қызметкерлерін ғылым мен цифрландыруға қосқан үлесі үшін марапатқа ұсыну мәселелері қаралды. 

Педагогикалық ғылымдар академиясының мүшелігіне сайлану туралы Білім беру және гуманитарлық зерттеулер факультетінің оқу ісі жөніндегі декан орынбасары Назира Тұрсынбаеваның баяндамасын талқылады.

Бұған қоса, «Ғылыми-зерттеу саясаты» (ҒС-ХҚТУ-001-2026) ережесін бекіту туралы Ғылым департаменті директоры Хайрулла Масадиков айтты.

Сенат мүшелері университет ОПҚ-ның құжаттарын ғылыми атақ алу үшін ҚР ҒЖБМ Ғылым және жоғары білім саласындағы сапаны қамтамасыз ету комитетіне ұсыну және университет ОПҚ-ның дайындаған оқулық, оқу құралы мен монографияларын бекіту және баспаға ұсыну туралы шешім қабылдады.