Хабарландырулар

  • image image image image
    • shape
    shape

    Жаңалықтар

    Blog Image
    Ахмет Ясауи университеті 01.04.2026 1682

    ОҚУ ОРДАМЫЗДА АЙМАҚТЫҚ «СТУДЕНТТІК СПОРТ ЛИГАСЫ» БАСТАЛДЫ

    Бүгін университетімізде Қазақстан Республикасы Ғылым және жоғары білім министрлігінің ұйымдастыруымен ЖОО студенттері арасында оңтүстік аймақтық «Студенттік спорт лигасы» басталды.
     
    Студенттік спорт лигасының мақсаты – жастар арасында спор мәдениетін қалыптастыру, сондай-ақ халықаралық ареналарда еліміздің намысын қорғайтын спортшылар қатарын арттыру.
     
    Спорттық додаға Түркістан, Тараз, Қызылорда облыстары мен Шымкент қаласының жоғары оқу орындарының студенттері қатысып жатыр. Жалпы 15 университеттің спортшылары 7 спорт түрінен өзара мықтыны анықтайды.
     
    Оқу орнымызда тоғызқұмалақ, қазақ күресі, баскетбол, футзал, үстел теннисі түрлері бойынша жарыстар өтеді.
    Бүгін сайыстың алғашқы ойындары қазақ күресі және тоғызқұмалақ спорт түрлері бойынша өтті. Нәтижесінде, қазақ күресінен балуан қыз-жігіттер құрамасы жеңімпаз атанып, финалдық ойынға жолдама алды.
     
    Сондай-ақ, университет студенттері тоғызқұмалақ бойынша да аймақтық кезеңнен өтті.
     
    Жеңімпаздарды Әлеуметтік-мәдени даму вице-ректоры Еділ Төлегенов арнайы құттықтады.
     
    Айта кетейік, бұған дейін Туризм және меймандостық университетінде өткен шахмат зияткерлік ойыны сәтті аяқталып, спортшыларымыз ақтық кезеңге жолдама алды.
    Алдағы уақытта өзге спорт түрлерінен бақ сынайтын университет студенттеріне сәттілік тілейміз!