Жаңалықтар

Университетіміздің студенті, таеквандошы Мақсат Орынбасар Корея Республикасының Учунчхон қаласында өткен Әлем кубогында Қазақстан ерлер құрама сапында ел намысын абыроймен қорғады.

Байрақты бәсеке 2026 жылғы 14-16 шілде күндері аралығында ұйымдастырылды. Спортшы студентіміз Қазақстан ерлер құрамасының командалық есепте күміс жүлдеге ие болуына өз үлесін қосты.

Айта кетейік, турнирге 13 елдің өкілдері қатысты. Қазақстан ерлер құрамасы ширек финалда Марокко құрамасын тізе бүктірді. Ал, жартылай финалда ресейліктерден басым түсті. Соңғы сәтте қытайлықтарға 0:2 есебімен есе жіберіп алды.

Университетіміздің абыройын асқақтатып, халықаралық додаларда көзге түсіп жүрген студентіміз Мақсат Орынбасарды және Қазақстан ерлер құрамасын шын жүректен құттықтаймыз! Алдағы жарыстарда жаңа жеңістер мен күш қайрат, қайсар рух тілейміз!