Жаңалықтар

Профессор, доктор Хүсейін Караман 2026 жылы 18 тамызда Қожа Ахмет Ясауи атындағы Халықаралық қазақ-түрік университеті Өкілетті кеңесінің төрағасы болып тағайындалды. Бұл шешім Түркия Республикасы Президентінің Жарлығымен қабылданып, ресми басылымда жарияланды. 

Профессор доктор Хүсейін Караман – жоғары білім беру саласында мол тәжірибесі бар белгілі ғалым және академиялық басқару ісінің білікті маманы. Ол Режеп Тайып Ердоған университетінің ректоры қызметін атқарып, Түркия Жоғары білім кеңесінің (YÖK) Басқарма мүшесі ретінде қызмет еткен.

Қожа Ахмет Ясауи атындағы Халықаралық қазақ-түрік университетінің ұжымы профессор Хүсейін Қараманды Өкілетті кеңес төрағасы қызметіне тағайындалуымен шын жүректен құттықтайды.

Бауырлас екі елдің білім және ғылым саласын дамыту жолындағы жауапты қызметіне толағай табыстар тілейміз!