Жаңалықтар

Оқу орнымыздың әкімшілік басқару құрамында өзгерістер болды. Әлеуметтік-мәдени даму вице-ректоры лауазымына Төлегенов Еділ Мейірбекұлы тағайындалды.

Бұған дейін университетіміздің әлеуметтік-мәдени бағытын Тұрғанбаев Асқар Әбдуалиұлы басқарып келді. Білікті басшы өзіне жүктелген міндетті абыроймен атқарып, кәсібилігі мен іскерлік қабілетін жоғары дәрежеде көрсете алды.

Ендігі кезекте оқу ордамыздың әлеуметтік-мәдени дамуына Төлегенов Еділ Мейірбекұлы жетекшілік етеді.

Еділ Мейірбекұлы — Ахмет Ясауи университетінің түлегі. Өзі білім алған қарашаңырақ оқу ордасында 20 жылдан астам уақыттан бері қызмет етіп келе жатыр.

Еңбек жолын оқытушы қызметімен бастап, декан орынбасары, факультет деканы, академиялық мәселелер жөніндегі департамент директоры, қабылдау комиссиясының жауапты хатшысы, ректор кеңесшісі лауазымдарында табысты жұмыс істеді.

Еділ Төлегеновтің жылдар бойы жинаған тәжірибесі мен білімі жаңа қызметінде жоғары жетістіктерге жетіп, саланы алға жылжытуға ықпал етеді деп сенеміз. Ұжым атынан жұмысына сәттілік пен табыс тілейміз!