Ахмет Ясауи университеті

Ахмет Ясауи университеті 16.08.2024

ОҚУ ОРНЫМЫЗДЫҢ БАСШЫЛЫҒЫ НАЗАРБАЕВ УНИВЕРСИТЕТІНІҢ ВИЦЕ-ПРОВОСТЫМЕН КЕЗДЕСТІ

Оқу орнымыздың басшылығы Назарбаев университетінің Академиялық жоспарлау және бюджет жөніндегі вице-провосты Аида Қыстаубайқызымен кездесті.

 
Кездесуде Өкілетті Кеңес төрағасы Мухиттин Шимшек және ректор Жанар Темірбекова университетіміздің бұрынғы Өкілетті Кеңес мүшесін жаңа лауызымымен құттықтады.

 
Сондай-ақ жиын барысында Қазақстан Республикасы Ғылым және Жоғары білім министрлігінің қолдауымен, университетіміз бен Назарбаев Университеті Жоғары білім беру мектебі бірлесе әзірлеген «Academic Leadership Institute: Deans' School» атты декандардың кәсіби дамуына арналған жобаның бағдарламасын талқылады.

 
Бұл бағдарламаның мақсаты – қазақстандық жоғары оқу орындары көшбасшыларының кадрлық резервін дайындау. Тыңдаушыларда тұрақты өзгерістер жағдайында факультеттерді тиімді басқаруға, инновациялық тәсілдер мен технологияларды табысты біріктіруге, сондай-ақ этикалық практиканың жоғары стандарттарын қолдауға мүмкіндік беретін құзыреттерді дамыту да көзделеді.

 
Бағдарлама негізінен 9 модульден тұрады:
Білім беру сапасын басқару;
Білім берудегі академиялық қызмет және инновация;
Беруді цифрландыру;
Білім берудегі стратегиялық жоспарлау және басқару;
Өзгерістер жағдайында көшбасшылық және басқару;
Студенттердің жетістіктері;
Таланттарды басқару;
Зерттеулерді басқару;
Институционалдық мәдениет және этика.

 
Оқыту университетіміз бен Назарбаев университетінің кампустарында өтеді. Оқу ордамыздың базасында: «Білім беруді цифрландыру», «Студенттердің жетістіктері» және «Таланттарды басқару» модульдері өтпек.

 
Айта кетейік, «Academic Leadership Institute: Deans' School» бағдарламасы 2024 жылдың қыркүйегінен бастап, желтоқсан айына дейін іске асырылады.

Хабарландырулар

Жаңалықтар

ОҚУ ОРНЫМЫЗДЫҢ БАСШЫЛЫҒЫ НАЗАРБАЕВ УНИВЕРСИТЕТІНІҢ ВИЦЕ-ПРОВОСТЫМЕН КЕЗДЕСТІ

Жедел байланыстар

Орналасуы