УНИВЕРСИТЕТІМІЗДЕ МАЛАЙЗИЯНЫҢ ҚАЗАҚСТАНДАҒЫ ЕЛШІСІ ҚОНАҚ БОЛДЫ

Бүгін оқу ордамызға Малайзияның Қазақстандағы Төтенше және Өкілетті елшісі Мохд Адли Абдулла мен Елшінің кеңесшісі Мохд Идхам Мохлис Ахмад Замри  арнайы келді.

Басқосуға университет ректоры Жанар Темірбекова мен ректор өкілі м.а Наджи Генч, Қаржы және халықаралық байланыстар вице-ректоры Мустафа Гиритлиоглу мен Халықаралық байланыстар департаментінің басшысы Фурхат Дадажанов қатысты. 

Жиын барысында университетіміз бен Малайзияның жоғары оқу орындары арасында ынтымақтастық келісім-шарттарын құру мен салалық байланыстар орнату жөнінде талқылау жүрді.

Ректор Жанар Темірбекова Малайзия елшісін оқу орда төрінде қарсы алғанына қуанышты екенін айтты. Сонымен қатар, қонақтарды Ясауи университетінің білім беру жүйесінде жеткен жетістіктері мен студенттерге ұсынар мүмкіндіктері, кампустар, ботаникалық бақ пен ғылыми-зерттеу институттарының жұмысымен таныстырды.

Келесі кезекте, Мохд Адли Абдулла қонақжайлық танытқан оқу орда басшылығына ризашылығын білдірді. Университеттің бүгінгі әл-ауқаты мен мықты кадр даярлаудағы ісіне жоғары баға берді.

Іс-шара соңында Малайзияның Қазақстандағы Төтенше және Өкілетті елшісі Елшісі Мохд Адли Абдулла мен Елшінің кеңесшісі Мохд Идхам Мохлис Ахмад Замриге сый-сияпаттар табысталды. 

Кездесуден соң, құрметті қонақтар «Түрік әлемінің тарихи панорамалық» және «Археология» мұражайын тамашалады.