МҮМКІНДІГІ ШЕКТЕУЛІ ЖАНДАРДЫ ҚОЛДАУ БОЙЫНША ҒЫЛЫМИ СЕМИНАР ӨТТІ

Бүгін оқу ордамызда Спорт және өнер факультеті, «Дене  тәрбиесі және бастапқы әскери дайындық» кафедрасының ұйымдастыруымен ғылыми семинар өтті. Маңызды жиынды Өзбекстаннан арнайы келген қонақ –  Ташкент қаласы ғылыми зерттеу институтының доценті  Наиля Светличная жүргізді.

Жиынға Ғылым және стратегиялық даму вице-ректоры Айнаш Ошибаева, оқытушы-профессорлар мен студенттер қатысты.

Семинардың мақсаты – ерекше білім беруде қажеттілігі  бар  жандарды  қоршаған  ортаға  бейімдеп, қарым-қатынастарын жақсарту, ой-өрісінің  дамуын  арттыру.                    

Жиын барысында Наиля Светличная: «Қазіргі кездегі жаһандық проблема – әртүрлі денсаулық проблемалары және мүгедектігі бар адамдар санының тұрақты өсуі. Мүмкіндігі шектеулі адамдар әлем халқының шамамен 15 пайызын құрайды»,-деді.

Осы тұста,спикер инклюзивті жандарға деген көз қарас пен қоғам қолдауының маңызы туралы тың ақпараттар берді. Ерекше жандарға білім беру жүйесіндегі пайдалы әдістер туралы да өз тәжірибесімен бөлісті.

Сондай-ақ, қатысушылармен психологиялық зерттеу сергіту ойындары жүргізді.

Семинар соңында қатысушылар маңызды тақырыпты қозғап, құнды ақпараттармен бөліскен Наиля Светличнаяға алғыс білдірді.