Жаңалықтар

Ахмет Ясауи университетінің оқытушы-профессорлар құрамынан құралған екінші топ Түркия Республикасына іс-тәжірибе алмасуға сәтті жетті. Бұл жолы 17 оқытушы Өкілетті кеңестің қолдауымен Анкара және Капподокия қалаларында болады.

Бағдарлама аясында ұстаздар Түркияның жоғары оқу орындарында білім беру жүйесімен, ғылыми жобалармен танысып, тәжірибе жинақтайды. Сонымен қатар, болашақта бірлескен ғылыми зерттеулер мен академиялық жобаларды іске асыру жолдары талқыланбақ. Мәдени және рухани байланыс та беки түспек.

Бұл сапар — университет пен Түркияның жетекші оқу орындары арасындағы ынтымақтастықты нығайту, академиялық байланысты тереңдету және оқытушылардың кәсіби деңгейін арттыру мақсатында жүзеге асып отыр.

«Ұзақ жылдар бойы білім саласында қызмет етіп келеміз. Осы жолғы іс-сапар — біздің еңбегіміздің жемісі деп білеміз. Түркиядағы әріптестерімізбен тәжірибе бөлісу біз үшін үлкен мүмкіндік. Осындай қолдауға ие болып отырғанымызға шексіз қуаныштымыз!»,- деп бөлісті ұстаздар қауымы.

Қазіргі таңда екінші топтағы оқытушылар Түркияда жоспарланған бағдарлама аясында жұмыстарына кірісіп кетті.