Жаңалықтар

15 мамыр – Халықаралық отбасы күніне орай, университеттің «Әлеуметтік-мәдени жұмыстарды ұйымдастыру және психологиялық қолдау көрсету» бөлімінің ұйымдастыруымен және «Спорт-сауықтыру» орталығының қолдауымен «Отбасы – береке бастауы» атты отбасылық эстафеталық сайыс өтті.

Іс-шараның басты мақсаты – ұжым арасындағы бірлікті арттырып, отбасылық құндылықтарды дәріптеу болды. Эстафета түрінде өткен сайысқа университеттің оқытушы-профессорлар құрамы мен қызметкерлерінен құралған бес отбасы қатысып, өзара ұйымшылдық пен шеберлікті ортаға салды.

Көпшіліктің қызығушылығын тудырған сайыс нәтижесінде:

«Ғажайып» тобы – 1-орынды жеңіп алып, ыдыс-аяқ жиынтығына ие болды.

«Болашақ» тобы – 2-орыннан көрініп, шаңсорғыш ұтып алды.

«Бірлік» тобы – 3-орын иегері атанып, микротолқынды пеш иеленді.

Ал «Қыран» және «Шуақ» топтарына да белсенді қатысқандары үшін ынталандыру сыйлықтары табысталды.

Жарысқа қатысушылар мен көрермендер жағымды әсер алып, шара жоғары көңіл күйде аяқталды. Бұл игі бастама ұжымішілік қарым-қатынасты нығайтып қана қоймай, отбасылық байланысты да бекемдей түсті.