Жаңалықтар

«Ясауи университетінің хабаршысы» журналы қазақ тілінде мақала шығаратын үздік 9 университеттің қатарынан көрінді. Айтулы ғылыми басылым 200 университеттің ішінен Мемлекеттік тілдегі мақала үлесі бойынша «ТОП-9»-ға еніп, 6-орынға ие болды. 

 «Ясауи университетінің хабаршысы» журналының мақсаты – әлеуметтік-гуманитарлық ғылымдар саласындағы өзекті зерттеулердің нәтижелерін жариялау, ғылыми-зерттеу жұмыстарын дамыту және университеттің ғылыми бағыттары бойынша ақпараттарды алмасу.

Сонымен қатар, журнал материалдары филология және педагогика саласындағы түрлі тақырыптық бағыттарды қамтиды. Атап айтсақ, әдебиет теориясы, тарихы және әдебиеттанудың жалпы мәселелері, әдеби шығармаларды салыстырмалы талдау, тіл білімінің негізгі бағыттары, оны салыстырмалы талдау, жалпы және қолданбалы лингвистика, мамандарды даярлаудың психологиялық-педагогикалық мәселелері, жалпы жоғары оқу орындарының инновациялық дамуы, инклюзивті білім беру, тәрбие әдістемесі, пәндерді оқытудың әдістемесі, электронды оқыту мен қашықтықтан оқыту және т.б. қарастырады. 

Білім мен ғылым алаңында маңызды мақалалардың жаршысына айналған журналдың жетістігі құтты болсын!