СПОРТШЫЛАРЫМЫЗ ҚАЗАҚ КҮРЕСІНЕН АЗИЯ ЧЕМПИОНАТЫНДА ЖЕҢІМПАЗ АТАНДЫ

Оқу ордамыздың спортшылары Түркістан қаласында ересектер арасында қазақ күресінен өткен Азия чемпионатында топ жарды.

Айтулы спорттық додаға Қырғызстан, Тәжікстан, Түркіменстан, Моңғолия, Үндістан, Иран, Жапония, Пәкістан сынды өзге де мемлекеттерден 200-ге жуық спортшы қатысты.

Аса тартысты өткен байрақты бәсекеде 82 кг салмақ дәрежесінде боз кілемге шыққан Асылжан Кәрім қарсыластарын айқын басымдықпен жеңіп, Азия чемпионы атанды!

Әйелдер арасында 70 кг салмақ дәрежесінде белдескен Ақбота Қыдырәлі де мықтылығын танытып, күміс жүлдені еншіледі.

Боз кілемде жеңіске жетіп, тұғырдан көрінген студенттеріміздің жетістігі құтты болсын! Алдағы өтетін байрақты бәсекелерде сәттілік серік болсын деп тілейміз!