AHMET YESEVI UNIVERSITY / IT

Ақпараттық қауіпсіздік бөлімі

IT DEPARTMENT

ҚауіпсіздікIT-сервисБағдарламалауИнфрақұрылымАвтоматтандыру

Біртұтас цифрлық орта

AYU / ABOUT

Бөлім туралы

Ақпараттық қауіпсіздік бөлімі университеттің ақпараттық ресурстарының қорғалуын және негізгі цифрлық инфрақұрылымының тұрақты, қауіпсіз әрі үздіксіз жұмысын қамтамасыз ететін құрылымдық бөлім болып табылады. Бөлім университеттің серверлік, желілік және телекоммуникациялық ортасын орталықтандырылған түрде сүйемелдеп, ақпараттық жүйелер мен цифрлық сервистердің сенімді жұмыс істеуіне қажетті технологиялық негізді қалыптастырады.

Бөлімнің қызметі ақпараттық қауіпсіздікпен қатар серверлік және виртуалдандыру инфрақұрылымын, деректерді сақтау жүйелерін, жергілікті есептеу желісін, Wi-Fi инфрақұрылымын, интернет арналары мен VPN қызметтерін, корпоративтік аутентификация және негізгі желілік сервистерді техникалық басқаруды қамтиды. Сонымен бірге бейнебақылау, ғимараттарға қолжетімділікті бақылау, турникет және IP-телефония сияқты университеттің қауіпсіздігі мен күнделікті қызметіне қажетті технологиялық жүйелердің жұмысын қамтамасыз етуге қатысады.

Бөлім цифрлық инфрақұрылымның қолжетімділігін тұрақты мониторингілеуге, ақпараттық қауіпсіздік инциденттерінің алдын алуға және оларға жедел әрекет етуге, резервтік көшіру мен деректерді қалпына келтіру тетіктерін дамытуға, желілік және серверлік ресурстардың қорғалу деңгейін арттыруға жауап береді. Цифрлық сервистердің саны мен көлемі ұлғайған сайын бөлім бизнес-үздіксіздік, қолжетімділікті басқару және ақпараттық қауіпсіздік тәуекелдерін төмендету бағыттарын жүйелі түрде жетілдіреді.

Ғылыми-зерттеу және инновациялық жобаларды технологиялық қолдау аясында бөлім жоғары өнімді есептеу ресурстарының, GPU серверлерінің, деректерді сақтау жүйелерінің, зерттеу есептеу орталарының, желілік байланыстың және қауіпсіз қолжетімділіктің тұрақты жұмысын қамтамасыз етеді. Бөлім ғылыми есептеулер мен деректерді өңдеуге қажетті сенімді және қорғалған IT-инфрақұрылымды қалыптастыруға қатысады.

Бөлім басшысы

Егеубаев Амирбек

AYU / SERVICES

IT-қызметтер

Университеттің серверлік инфрақұрылымын әкімшілендіру және тұрақты жұмысын қамтамасыз ету.
Физикалық және виртуалды серверлерді, виртуалдандыру ортасын және серверлік ресурстарды басқару.
Деректерді сақтау жүйелерін, резервтік көшіру және қалпына келтіру инфрақұрылымын сүйемелдеу.
Core және Access деңгейіндегі желілік жабдықтарды, routing, switching, VLAN және IP-адрестеуді басқару.
Университеттің Wi-Fi инфрақұрылымын, контроллерлерін, кіру нүктелерін, SSID және желілік саясаттарды әкімшілендіру.
Интернет арналарының, VPN, DNS, DHCP және өзге де негізгі желілік сервистердің жұмысын қамтамасыз ету.
Active Directory, корпоративтік аутентификация және пайдаланушылардың жүйелік қолжетімділігін техникалық басқару.
Firewall, желілік сегментация және басқа ақпараттық қауіпсіздік құралдарын әкімшілендіру.
Ақпараттық қауіпсіздік инциденттерін тіркеу, талдау, оқшаулау және оларға әрекет ету.
Ақпараттық жүйелер мен инфрақұрылымдағы осалдықтарды анықтау және оларды жою шараларын ұйымдастыру.
Негізгі IT-инфрақұрылымның мониторингін, журналдауын және қолжетімділік көрсеткіштерін бақылау.
Бейнебақылау, Access Control, турникет және IP-телефония инфрақұрылымын техникалық сүйемелдеу.
Disaster Recovery және бизнес-үздіксіздікке қатысты техникалық дайындықты қамтамасыз ету.
GPU серверлері, есептеу ресурстары және зерттеу IT-орталарының инфрақұрылымдық жұмысын қамтамасыз ету.
Инфрақұрылымның даму қажеттіліктерін бағалау және техникалық жаңғырту бойынша ұсыныстар әзірлеу.