AHMET YESEVI UNIVERSITY / IT

Жүйелерді автоматтандыру бөлімі

Жүйелерді автоматтандыру бөлімі университеттің білім беру, әкімшілік және басқарушылық бизнес-процестерін талдауға, оңтайландыруға және цифрландыруға, сондай-ақ университетте қолданылатын ақпараттық жүйелердің өзара үйлесімді жұмысын дамытуға бағытталған құрылымдық б…

Көмек алу ↗

IT DEPARTMENT

ҚауіпсіздікIT-сервисБағдарламалауИнфрақұрылымАвтоматтандыру

Біртұтас цифрлық орта

AYU / ABOUT

Бөлім туралы

Бөлімнің негізгі міндеті — қолданыстағы процесті жай электрондық форматқа көшіру емес, оны талдау арқылы тиімді цифрлық модель қалыптастыру. Осы мақсатта бөлім университеттің құрылымдық бөлімдерімен бірлесіп бизнес-процестерді зерттейді, қолданыстағы AS-IS моделін анықтайды, артық және қайталанатын операцияларды талдайды, болашақ TO-BE моделін қалыптастырады және ақпараттық жүйеге қойылатын функционалдық талаптарды әзірлейді.

Бөлім университеттің цифрлық экожүйесіне кіретін жүйелер арасындағы ақпарат алмасуды жетілдіруге, интеграциялық қажеттіліктерді анықтауға, API және SSO негізіндегі өзара байланысты дамытуға, бірыңғай анықтамалықтар мен Master Data қағидаттарын қалыптастыруға қатысады. Бір деректі бірнеше жүйеге бірнеше рет қолмен енгізуді азайту, деректердің өзектілігі мен тұтастығын арттыру автоматтандыру мен интеграцияның негізгі нәтижелерінің бірі болып табылады.

Сонымен бірге бөлім университеттегі цифрландыру деңгейін өлшеуге, автоматтандырылған бизнес-процестердің реестрін қалыптастыруға, жаңа цифрлық бастамаларды талдауға және цифрлық жобалардың нәтижелерін бақылауға қатысады. Университетте жинақталатын деректерді басқарушылық шешімдерге пайдалану мақсатында Data Governance, BI, аналитикалық панельдер және басқарушылық dashboard бағыттарын дамытуға қатыса алады.

Жүйелерді автоматтандыру бөлімі мен Бағдарламамен қамтамасыз етудегі инновациялар бөлімінің жауапкершілігі нақты ажыратылады: автоматтандыру бөлімі процесті зерттейді, талапты қалыптастырады, TO-BE моделін және интеграциялық логиканы анықтайды; бағдарламалық әзірлеу бөлімі осы талаптар негізінде техникалық шешімді және бағдарламалық өнімді іске асырады. Осы тәсіл автоматтандыру бөлімін екінші бағдарламалау тобына емес, университеттің бизнес-процестерін цифрлық трансформациялауға жауапты құзырет орталығына айналдырады.

Бөлім басшысы

Утебаев Улан

AYU / SERVICES

IT-қызметтер

Университеттің негізгі бизнес-процестерінің реестрін қалыптастыру және өзектендіру.
Автоматтандыруға және оңтайландыруға жататын процестерді анықтау және басымдықтарын ұсыну.
Қолданыстағы бизнес-процестердің AS-IS моделін зерттеу және талдау.
Цифрландырылатын процестердің TO-BE моделін қалыптастыру.
Құрылымдық бөлімдерден бизнес және функционалдық талаптарды жинау, нақтылау және құжаттау.
Автоматтандыру жобалары бойынша функционалдық талаптар мен acceptance criteria әзірлеу.
Электрондық өтінімдер, келісімдер және workflow процестерін дамытуға қатысу.
Университеттік порталдар мен процесс платформаларындағы автоматтандырылған қызметтерді дамыту.
Ақпараттық жүйелер арасындағы интеграциялық қажеттіліктерді анықтау және деректер алмасу логикасын қалыптастыру.
API integration, SSO және бірыңғай аутентификация жобалары бойынша талаптарды әзірлеу.
Master Data және бірыңғай анықтамалықтарды қалыптастыру қағидаттарын дамытуға қатысу.
Data Governance және деректер сапасын басқару бастамаларына қатысу.
BI, басқарушылық аналитика және dashboard шешімдеріне қойылатын талаптарды қалыптастыру.
Автоматтандырылған бизнес-процестердің үлесін және цифрландыру деңгейін өлшеу.
Цифрлық бастамалар мен жобалардың портфелін қалыптастыруға, басымдық беруге және нәтижесін бағалауға қатысу.