Бүгін оқу орнымызда Қазақстан Республикасының Құрметті спорт қайраткері, ұлағатты ұстаз, қауымдастырылған профессор Ақназаров Серік Баянқұлұлын еске алуға арналған «Спорт пен парасаттың жарқын үлгісі» атты қалалық волейбол турнирі өтті.
Спорт додасына университет ұжымы, марқұм ұстаздың ағайын-туыстары, достары, әріптестері мен шәкірттері қатысты.
Турнирдің негізгі мақсаты – дене мәдениеті және спорт саласына өлшеусіз үлес қосқан, өмірін жас ұрпақ тәрбиесіне арнаған Серік Баянқұлұлының еңбегін ұлықтау, есімін дәріптеу және профессор-оқытушылар арасында салауатты өмір салтын кеңінен насихаттау.
Жарыс студенттер мен оқытушылар арасында ынтымақтастық пен бірлікті нығайту, бұқаралық спортты және салауатты өмір салтын кеңінен танытуға, дене мәдениеті мен спорттың қоғамдағы рөлін арттыру, ұжымдық рух пен спорттық мәдениетті қалыптастыруға ба,ытталды.
Спорт додасы жоғары деңгейде ұйымдастырылып, қатысушылар өзара мықты дайындық пен шеберлікті көрсетті. Әр команда ұстаз есіміне деген құрметті алаңдағы белсенді ойын, кәсіби шеберлік және командалық рух арқылы жеткізе білді.
Турнир нәтижесінде I орынды Спорт факультеті командасы жеңіп алды. II орын Кентау кампусы командасына бұйырды. Ал III орынды Жаратылыстану факультетінің командасы иеленді.
Жеңімпаз командалар арнайы марапатқа ие болып, жүлделі орын иегерлеріне кубоктар мен дипломдар табысталды.
KZ
TR
EN
RU
