Қожа Ахмет Ясауи атындағы Халықаралық қазақ-түрік университетінің заң факультеті және «Шаңырақтар» координациялық орталығының Жас сайлаушылар клубы «Қайырымдылық – ізгіліктің бастауы» челленджін Теология факультеті мен «Шаңырақтар» координациялық орталығының Arthouse клубынан қабылдап алды.
Қасиетті Рамазан айында игі іске ұйытқы болып, жағдайы төмен отбасыларға қайырымдылық көрсетіліп, азық-түлік пен қажетті тұрмыстық көмектер табысталды. Бұл бастама тек материалдық қолдау ғана емес, адам жүрегіндегі мейірім мен жанашырлықтың жарқын көрінісі.
Рамазан - сабыр мен шүкірдің, мейірім мен жомарттықтың айы. Осындай игі істер арқылы қоғамдағы бірлік, бауырмалдық және өзара қолдау құндылықтары нығая түседі.
Сонымен қатар, қайырымдылық шарасына ЗҚТ-412 тобының студенттері белсенді қатысып, игі іске өз үлестерін қосты.
Жақсылық - жұқпалы құндылық. Сондықтан қайырымдылық эстафетасын жалғастыру мақсатында челленджді
Филология Факультеті мен Туркология клубына жолдаймыз.
Бірге жақсылық жасап, қоғамға мейірім сыйлайық!
Ізгі амалдарымыз көп болып, жүректеріміз жылылыққа тола берсін!
KZ
TR
EN
RU
