Бүгін университетіміздің қолдауымен жүзеге асқан жобалардың бірі - “AYU IT балалар академиясының” көктемгі курсы өз мәресіне жетті.
Жоба аясындағы алғашқы курс "Балаларға арналған Python бағдарламалау және Робототехника негіздері" тақырыбы аясында өтті.
Курстың басты мақсаты - балаларға Python бағдарламалау негіздерін және робототехника негіздерін үйрету ғана емес, сонымен қатаролардың логикалық ойлауын, есептерді шешугешығармашылық көзқарасын, сондай-ақкомандада жұмыс істеу қабілетін дамыту.
Оқу орнымыздың IT саласындағы игі бастамасына бағдарламалау мен робототехникаға қызығушылығы жоғары 7-12 жас аралығындағы балалар қатысты.
Осылайша, 21 оқушы 3 айға созылған курс нәтижесінде материалды игерудің жоғары деңгейін көрсетіп, практикалық тапсырмаларды сәтті орындады және қорытынды сабақта тестілеуден өтті.
Бүгін университет ректоры Жанар Темірбекова және ректор өкілі Наджи Генч курсты сәтті аяқтаған оқушыларға арнайы сертификаттар табыстады.
Университет басшылары оқушыларды жетістіктерімен құттықтап, алған білімдері ақпараттық технологиялар мен инженерия саласында табысқа жетуге көмектеседі деген сенімін білдірді. Сондай-ақ, барлық қатысушыларға және олардың ата-аналарына белсенді қатысқаны мен қолдағаны үшін алғыс айтты.
KZ
TR
EN
RU
