Факультетімізге Түркия Республикасының Орду университетінің ректоры, профессор Orhan Baş бастаған делегация арнайы сапармен келді. Делегация құрамында Орду университетінің проректоры, спортшы Алпарслан Инже де болды.
Кездесу барысында студенттер мен профессор-оқытушылар құрамының академиялық ұтқырлығын дамыту, докторантура бағдарламасына оқуға жіберу, Түркия Республикасында шығармашылық емтихандар өткізіп, талапкерлерді факультетіміздің «Дене шынықтыру және спорт» білім беру бағдарламасына тарту, сондай-ақ бірлескен ғылыми жобаларды жүзеге асыру бағыттарына ерекше назар аударылды.
Сонымен қатар, 2026 жылғы 19–21 қараша аралығында Орду университетімен бірлесіп өткізу жоспарланған IV Халықаралық дене жаттығулары және спорт ғылымдары конгресін (UESBK-2026) ұйымдастыру мәселелері талқыланды.
Кездесу қорытындысында тараптар спорт ғылымдары саласындағы халықаралық ынтымақтастықты одан әрі дамытуға, академиялық байланыстарды нығайтуға және бірлескен бастамаларды жүзеге асыруға өзара мүдделілік білдірді.
KZ
TR
EN
RU
