Университетімізге қарасты Евразия ғылыми-зерттеу институтының «Eurasian Research Journal» атты ғылыми журналы ҚР Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті ұсынатын ғылыми басылымдар тізбесінің 2-тізіміне енді. Ғылыми журнал «Экономика ғылымдары» бағыты бойынша сараптамадан өтті.
«Eurasian Research Journal» – түрік тілдес халықтарға басымдық бере отырып, Евразия аймағындағы сыртқы саясат, экономика, энергетика, қауіпсіздік, көлік, саясат пен әлеуметтану саласына қатысты жазылған ғылыми мақалалар мен шолулар, сондай-ақ кітап шолуларын жариялайтын халықаралық рецензияланатын журнал. Ол тоқсан сайын қаңтар, сәуір, шілде және қазан айларында жарық көреді.
Журнал редакциясын, Евразия ғылыми-зерттеу институтын, Ғылым департаментіне қарасты Ғылыми басылымдар бөлімінің ұжымын құттықтай отырып, жұмыстарына сәттілік тілейміз!
KZ
TR
EN
RU
