Университетіміздің 3 бірдей оқытушысы «Болашақ» стипендиясының иегері атанды.
Шетелде кадрлар даярлау жөніндегі республикалық комиссияның шешімімен 183 қазақстандық «Болашақ» халықаралық стипендиясына ие болды. Оның ішінде 33 қазақстандық ғалымға әлемнің жетекші ғылыми-зерттеу орталықтарында ғылым және экономика үшін аса маңызды бағыттар бойынша ғылыми тағылымдамадан өтуге гранттар бөлінді.
Айтулы стипендияға ие болған оқытушыларымыз:
1. Медицина факультеті, Қоғамдық денсаулық сақтау және ғылыми зерттеулер кафедрасының меңгерушісі, Ph.D, аға оқытушы – Омарова Балнұр Әділбекқызы.
2. Медицина факультеті, Фундаментальды ғылымдар кафедрасының меңгерушісі, Ph.D, доцент м.а. – Саржанов Фахриддин Нурмахамедович.
3. Жаратылыстану факультеті Биология кафедрасының , Ph.D, аға оқытушы – Саржанова Шахноза Мамаджановна.
Әріптестеріміз Америка Құрама Штаттарының Сан-Диегодағы Калифорния университетіне «Қоғамдық, экологиялық және кәсіби денсаулық сақтау» және «Микробиология» ғылыми бағыттары бойынша жолдамаға ие болды.
Осылайша, оқытушыларымыз әлемнің үздік жоғары оқу орнында 1 жыл ғылыми тағылымдамадан өтуге мүмкіндік алды.
Әріптестерімізді шын жүректен құттықтай келе, алдағы жұмыстарына сәттілік тілейміз!
KZ
TR
EN
RU
