Бүгін Тұрақты даму ғылыми-зерттеу орталығының ұйымдастыруымен, университетіміздің 1-курс докторанттарына Біріккен Ұлттар Ұйымының тұрақты даму мақсаттарымен міндеттерін таныстыру және ғылыми еңбектерін жариялау кезінде Тұрақты даму мақсаттарының кіліт сөздерін қолдануды көрсету бойынша дөңгелек үстел өтті.
Дөңгелек үстелде Тұрақты даму ғылыми-зерттеу орталығының директоры Т.Гаипов орталықтың даму мақсаттарына тоқталып өтті.
Тұрақты даму мақсаттары (ТДМ) – бұл кедейлікті жоюға, теңсіздік пен әділетсіздікке қарсы тұруға, жер шарын қорғауға және барлық адамдар үшін бейбітшілік пен гүлденуді қамтамасыз етуге бағытталған әлемде қабылданған мақсаттар. 2030 жылға дейін 17 негізгі мақсаттар таңдалды, олардың жүзеге асырылуы елді өмірдің барлық негізгі салаларының тұрақты дамуына және осы әлемдегі әрбір адамға қатысты жаһандық мәселелерді шешуге жетелейтіндігін, сонымен қатар доктаранттар диссертациялық жұмыстарын және ғылыми еңбектерін «Тұрақты даму мақсаттарына» байланыстыра отырып жазу, кілт сөздерін қолдану жайында 1-курс докторанттарына айтып өтті.
Алдағы уақытта докторанттар диссертациялық тақырыптарын «Тұрақты дамудың мақсаттарымен» байланыстыра жазуға, орталықпен тығыз жұмыс атқаруға келісті.
KZ
TR
EN
RU
