Бүгін оқу ордамыздың Мәдениет сарайында Ясауи университетінің «Jaidarman Festival» атты Жайдарман ойындарының маусымашары өтті.
Жайдарман ойыны университет қызметкерлеріне, студенттері мен оқытушыларына керемет көңіл-күй мен шынайы күлкі сыйлады.
Көңілді тапқырлар алаңында 9 команда өнер көрсетті. Ашық лигаға университет факультеттерінен құралған командалар, сондай-ақ Түркістан облысына қарасты қалалар мен аудандардан келген әзілкештер қатысты. Олардың қатарында мектеп оқушылары да бар.
Көрермен қауым әдемі әзіл мен қағытпа қалжыңға, шынайы күлкіге толы кештің куәсі болды. «Адал жолмен, жарқын болашаққа!» ұранымен өткен кеште жастар әлеуметтік маңызды мәселелерді әзілмен ұштастыра жеткізді.
Айта кетейік, Ясауи университеті ұйымдастырған бұл іс-шараға «Mafia» және «Show today» ойын-сауық орталығы, «In-trend» ерлер киім дүкені сынды т.б мекемелер демеуші болды.
Кеш соңында барлық қатысушы командаға демеушілердің арнайы сый-сияпаттары табысталды. Көрермендер жайдарман ойындарын жоғары бағалап, қошемет көрсетті.
KZ
TR
EN
RU
