Бүгін оқу ордамызда Коммерцияландыру офисінің ұйымдастыруымен «QazInnovations» Инновацияларды дамыту жөніндегі ұлттық агенттігінің технологиялық сараптау орталығының сарапшылары студенттер мен қызметкерлерге
«Стартаптарға инновациялық гранттарды беру тәртібі» тақырыбында түсіндірме жұмыстарын жүргізді.
Басты мақсат – университетімізде стартап жобалармен айналысатын білім алушыларды, қызметкерлерді қолдау, стартап жобалардың санын, сапасын арттыру және олардың арасында кәсіпкерлікті дамыту, білім алушыларға идеядан өнімге дейін жетуге көмектесу.
Жиында «QazInnovations» Инновацияларды дамыту жөніндегі ұлттық агенттігінің технологиялық сараптау орталығының бас сарапшысы Асхар Мұса және сарапшы Ержан Жанабеков стартаптарға инновациялық грант беруге қатысты тың ақпараттармен бөлісті.
Спикерлер «Өнімді жетілдіру және коммерцияландыру стратегиясын әзірлеу» бойынша 20 миллион теңгеге дейін грант ұтуға мүмкіндік туралы баяндады. Жобаның шарттары мен талаптары, қажетті құжаттар сынды т.б мәліметтерді жеткізді. Инновациялық жоба, яғни өнімнің нарықтағы артықшылығы, бәсекеге қабілеттілігі, шығындарының есептелуі, экономикалық нәтижесі сияқты бөлімдері жайлы айтты.
Шара соңында қатысушылар спикерлерге аталған тақырып бойынша өздерін қызықтырған сауалдарын қойды.
KZ
TR
EN
RU
