Тегі, әкесі, аты: Асилбекова Гульмира Тынысбековна
Туған күні, айы, жылы: 1968 жылы 28 сәуірде дүниеге келген.
Туған жері: Оңтүстік Қазақстан облысы, Түркістан қаласы.
Бітірген оқу орны: 1985 жылы орта мектепті бітіріп, Алматы мемлекеттік медицина институтының педиатрия факультетіне түсіп, 1994 жылы дәрігер-педиатр мамандығын алған. 1994 жылдың 1 тамызынан 29 желтоқсанына дейін Түркістан қаласы «Қалалық балалар ауруханасында» педиатрия мамандығы бойынша интернатура өткен.
Еңбек еткен жылдары мен жерлері, қызметтері, лауазымдары:1995 жылдан бастап балалар емханасында дәрігер-педиатр қызметін атқарған.
1999-2001 жылдары Қ.А.Ясауи атындағы Халықаралық қазақ-түрік университетінде аспирантурада оқыған.
2001-2006 жж. аралығында Қ.А.Ясауи атындағы Халықаралық қазақ-түрік университеті «Биология» кафедрасында оқытушы қызметін атқарған. 2004 жылы м.ғ.д., профессор Б.К.Керімбековтың жетекшілігімен 14.00.07 – гигиена мамандығы бойынша «Особенности динамики антропометрических показателей детей до 7 лет в зависимости от порядка рождения и характера питания» тақырыбында кандидаттық диссертациясын қорғап, 2005 жылы медицина ғылымдарының кандидаты дәрежесін алды. 2006-2013 жылдар аралығында медицина факультеті «Акушерлік іс және гинекология» кафедрасында «Педиатрия» циклінің жетекшісі қызметін атқарды. 2010-2012 жылдар аралығында медицина факультетінің оқу және ғылым жөніндегі декан орынбасары қызметін атқарды. 2013-2014 оқу жылынан ҚР Денсаулық сақтау министрлігінің тапсырысы бойынша медицина кластерінде ашылған оқыту және бағалау комитетінің жетекшісі қызметін қоғамдық негізде атқарды. 2014-2015 жылынан бастап, қазіргі таңға дейін «Педиатрия» кафедрасының меңгерушісі қызметін атқаруда.
Ғылыми, көркем шығармашылығы мен саласы, басты жетістіктері мен еңбектері:Халықаралық, Республикалық және облыстық деңгейде 30-дан астам ғылыми мақаласы жарияланған, 1 импакт-факторлы 0,25-тен жоғары журналда, 1 Scopus журналында мақалалары жарық көрді. 10-нан астам оқу-әдістемелік құралдары жарық көрген.
Отбасы жайлы: Отбасында 2 қыз, 1 ұлдың анасы.
KZ
TR
EN
RU
