KZ
TR
EN
RU
доцент Ғылым кандидаты, Ниязова Гулжан Жолаушиевна
Инженерия факультетінің доценті, п, ғ.к., доцент
1977 жылы Түркістан облысы, Отырар ауданында дүниеге келген. Ұлты қазақ. Білімі жоғары. Білім беру саласында еңбек өтілі – 25 жыл. 2008 жылдан педагогика ғылымдарының кандидаты (13.00.02 – Оқыту және тәрбиелеу теориясы мен әдістемесі /информатика, білім беру жүйесін ақпараттандыру/). Диссертация тақырыбы: «Ақпараттық-коммуникациялық технологияларды пайдалану – кәсіптік білім мамандығы студенттерінің кәсіби құзырлылығын қалыптастырудың маңызды элементі», 2011 жылдан доцент (мамандығы: 05.13.00-Ақпараттама, есептеу техникасы және басқару).
2021-2023 жылдарға арналған AP09259047 «Мұғалімдердің цифрлық құзыреттілігін қалыптастыру - адами капиталды дамыту кілті» атты гранттық жоба жетекшісі болған. 2022-2024 жылдарға арналған №AP14871966 «Болашақ ақпараттық-коммуникациялық технологиялар мамандарының икемді дағдыларын қалыптастырудың әдістемелік жүйесін әзірлеу» атты гранттық жобаның, 2023-2025 жылдарға арналған №АР19679127 «Жасөспірімдердің цифрлық гигиена дағдыларын қалыптастыру және кибербуллингтің алдын алудың әдістемелік жүйесін әзірлеу» атты гранттық жобаның да зерттеу тобының мүшесі.
Инженерлік-педагогикалық факультеттің оқу, ғылым және тәрбие ісі жөніндегі декан орынбасары (2008-2013жж.), Инженерия факультетінің Оқу-әдістемелік Кеңес төрағасы (2015-2016жж.), Компьютерлік ғылымдар кафедрасының меңгерушісі (2016-2018жж.) қызметтерін атқарған. 01.09.2022 жылдан Инженерия факультеті Оқу ісі жөніндегі декан орынбасары. Г.Ж.Ниязованың ғылыми кеңесшілігімен 4 докторлық диссертация (6D010300-Педагогика және психология мамандығы); 7M01557–Информатика білім беру бағдарламасы бойынша 7 магистрлік диссертация, 7М06127-Информатика білім беру бағдарламасы бойынша 9 магистрлік диссертация табысты қорғалған. h-индексі–1 (https://www.scopus.com/authid/detail.uri?authorId=55822416800), 100-ден аса ғылыми жарияланымдардың авторы, оның ішінде: монография-1, авторлық куәлік-3, оқу құралы-5, ҒЖБССҚК ұсынған журналдарда-46, шетелдік және отандық конференцияларда-46. Білім беруді ақпараттандыру бағыты бойынша жетекші маман. Ғылыми-педагогикалық қызметі барысында білім беруді ақпараттандыру, ақпараттық жүйелерді жобалау, болашақ мұғалімдердің кәсіби құзыреттіліктерін, коммуникативтік потенциалдарын қалыптастыру, білім берудегі заманауи оқыту технологиялары, цифрлық оқыту орталарын білім беру үдерісінде іске асыру проблемаларын жүйелі зерттеуде.